Үйлчилгээний нөхцөл
Платформд бүртгүүлэх, нэвтрэх, эсвэл тестийн үйлчилгээг ашигласнаар та энэхүү Үйлчилгээний нөхцөлийг бүрэн уншиж танилцсан бөгөөд ямар нэгэн нөхцөл цааргалалгүйгээр хууль ёсоор хүлээн зөвшөөрсөнд тооцно. Хэрэв зөвшөөрөхгүй бол платформыг ашиглахаас татгалзана уу.
1. Үйлчилгээний мөн чанар ба анагаах ухааны бус мэдэгдэл
- Платформ дээрх бүх тест, алгоритм, AI-аар боловсруулсан тайлан, зөвлөмж нь зөвхөн өөрийгөө танин мэдэх, танин мэдэхүйн боловсрол олгох зориулалттай, “байгаа байдлаар нь” (As-Is) хүргэж буй мэдээллийн хэрэгсэл юм.
- Платформын ямар ч үйлчилгээ, үр дүн нь сэтгэц, эмнэлгийн клиникийн онош, мэргэжлийн сэтгэл засал, эмчилгээний төлөвлөгөө, эсвэл албан ёсны анагаах ухааны дүгнэлт болохгүй.
- PSY.MN нь мэргэжлийн сэтгэл зүйч, сэтгэцийн эмч, бусад эрүүл мэндийн зөвлөхийг орлохгүй.
- Системээс авсан мэдээллийг бие даан эмчилгээний зорилгоор ашиглахыг хатуу хориглоно.
2. Хиймэл оюун ухаан (AI) ба алгоритмын хариуцлагын хязгаарлалт
- Платформ нь магадлал, статистик загварчлалд суурилсан Generative AI болон хэлний том загвар (LLM) ашигладаг.
- AI загвар зарим тохиолдолд буруу, дутуу, бодит байдалд нийцэхгүй үр дүн (hallucination) гаргаж болох эрсдэлийг хэрэглэгч урьдчилан мэдэж, хүлээн зөвшөөрсөн болно.
- AI-ийн гаргасан алдаатай бичвэр, дутуу зөвлөмж, эсвэл хэрэглэгч буруугаар тайлбарласнаас үүдсэн сэтгэл зүйн, материаллаг, шууд бус ямар нэгэн хохиролд PSY.MN хууль зүй, санхүүгийн хариуцлага хүлээхгүй.
3. Хямралын үеийн мэдэгдэл
- PSY.MN нь хямралын үеийн яаралтай тусламжийн төв, эсвэл амь аврах шууд үйлчилгээ биш.
- Платформын аюулгүй байдлын шүүлтүүр (Crisis detection) нь хэрэглэгчийн аюулгүй байдлыг 100% хангах хууль ёсны баталгаа болохгүй.
- Хүнд сэтгэл зүйн хямрал, амиа хорлох бодол, эсвэл яаралтай тусламжийн хэрэгцээ үүсвэл платформыг хааж, Сэтгэцийн эрүүл мэндийн үндэсний төвийн 24 цагийн 1800-2000 утас, эсвэл Яаралтай тусламжийн 103 дугаарт нэн даруй хандана уу.
- Дээрх алхмыг биелүүлээгүйгээс үүссэн үр дагаврыг хэрэглэгч бүрэн хариуцна.
4. Хэрэглэгчийн үүрэг ба системийн халдашгүй байдал
- Тестийн үр дүн зөв гарахын тулд мэдээллээ үнэн зөв оруулах; бусдын нэрээр тест өгөх, профайл үүсгэхийг хориглоно.
- API endpoint-уудыг автоматаар дуудах, Prompt Injection, reverse engineering хийхийг оролдох, өгөгдөл хуулах (scraping, data extraction, bombing), DDoS шинжтэй хандалт хийхийг хатуу хориглоно.
- Аюулгүй байдлын хязгаарлалт (Rate limit)-ийг санаатай давж, системийн хэвийн ажиллагаанд саад учруулахыг хориглоно.
- Дээрх заалтыг зөрчсөн тохиолдолд IP болон бүртгэлийн эрхийг шууд хааж, шаардлагатай бол хуулийн байгууллагад шилжүүлнэ.
5. Төлбөр тооцоо, эрх ба буцаалтын журам
- Premium үйлчилгээ болон дэвшилтэт тестийн төлбөрийг wire.mn цахим төлбөрийн системээр гүйцэтгэнэ.
- Тест эхэлж, AI боловсруулалт хийгдэхээс өмнө техникийн алдаа гарвал төлбөрийг буцаан авах хүсэлт гаргаж болно.
- Тестийг бүрэн дуусгасан, эсвэл эхлүүлж AI токен зарцуулагдсан/тайлан боловсруулагдсан үеэс үйлчилгээг бүрэн авсанд тооцох тул төлбөр буцаан олгох боломжгүй.
- Төлбөртэй холбоотой аливаа алдаа, маргааныг [email protected] хаягаар албан ёсоор шийдвэрлүүлнэ.
6. Өгөгдлийн нууцлал ба аюулгүй байдал
- Хэрэглэгчийн эмзэг мэдээллийг Row-Level Security (RLS) болон HTTPS шифрлэлтээр хамгаална.
- Хувийн мэдээлэл, тестийн хариуг хууль хяналтын байгууллагын албан ёсны шаардлагаас бусад тохиолдолд гуравдагч талд борлуулах, дамжуулахгүй.
- AI загвараа сайжруулах, судалгаа хийх зорилгоор хэрэглэгчийн нэр, хувийн мэдээллийг бүрэн устгасан (anonymized) ерөнхий өгөгдлийг дотооддоо ашиглах эрхийг платформ эдэлнэ.
7. Нөхцөл өөрчлөх эрх ба дагаж мөрдөх хууль
- PSY.MN нь энэхүү нөхцөлд хэдийд ч, урьдчилан мэдэгдэлгүйгээр нэмэлт өөрчлөлт оруулах эрхтэй бөгөөд шинэчилсэн хувилбарыг платформ дээр байршуулснаар хүчин төгөлдөр болно.
- Нөхцөл шинэчлэгдсэнээс хойш платформыг үргэлжлүүлэн ашигласан үйлдэл нь шинэ нөхцөлийг автоматаар зөвшөөрсний баталгаа болно.
- Үйлчилгээтэй холбоотой шийдвэрлэж чадаагүй аливаа маргааныг Монгол Улсын хууль тогтоомжийн дагуу Улаанбаатар хотын харьяа шүүхээр шийдвэрлүүлнэ.
Асуулт байвал бидэнтэй холбогдоно уу
[email protected]Хувилбар v1.0 · Сүүлд шинэчлэгдсэн 2026-06-09